Pooja Prashant Dutta successfully participated in the Letter Writing Competition Organised By SGSH Publication.

Hiii Manu,

Kesi hai nai puchungi! Tu aur mai alag thodi hai! Ha par jab jab tu ghut ghut kar raat ko ro padti hai, akele me, ki teri siskio ki awaz tak kisi ko na sunai de, and muh se le rhi teri saaso ki awaj koi sun na le, tab tab mann hota tujhe jor se gale laga lu! Takiye ko hatake khud tujhe apni baho me sama lu, lekin kar nai pati, isliye hatho se tere maathe pr hath ferti, tujhe chup hone ko bolti ki “mai hu tere sath, tu akeli nai hai! teri aks, tera saya tere sath hai, meri jaan! beshak tu ro le abhi, mai tere sath hu, magar tujhe fir kabhi nai rone dugi”, ye batate huye tujhe maathe par apne hatho se ashwasan deti hu. Muje pta hai tujhe malum hai ye, gussa ane par vo “Manu Relax”, “Manu it’s ok”, “Manu cool beta”, ye bolne par tera pani jesa shant ho jana, muje tujhse aur pyar krne pr majbur kar deta hai..

Muje pta hai zindagi me humne parayo se jyada apno se dhokha khaya hai, jisko tune kabhi socha bhi nai tha, waha har roz ek ek dhokha samne aata rehta hai, ha mujhe pta hai, tab tu khudko kitni bakhubi se sambhal leti hai, taki dusre kisiko pta na chale, vo gaadi chalate akele me goggles pehenkar rona, aur chupke se goggles mese jab ansu aur nai reh pate aur niche girte tab un ansuo ko mai hi to samet ti hu, lekin tuje pta hai teri sabse achi baat kya hai, tera har baar rone ke baad jo tu strong banke ubharti hai, tab har baar teri pith thap thapane ka mann krta aur karti bhi hu, tuje jor se gale lagaane ka mann karta, ki “wah beta, very good”, ye batane ka mann karta ki “duniya to hai chot dene ko, tujhe us chot se bachna hai, kabhi kabhi ladaai b karni hai, ye bhi dhyan rkhna hai ki isme koi masum ka dil na dukhe, lekin sab se important, tera apna dil na bikhre”.

Janti hu sekdo tukde wale dil ko sambhalna kitna mushkil hai tere liye, lekin yakin maan, tu bas usko samete rkhne ki koshish kar, baki mai tujhe sambhal lungi. Tuje fir se kabhi nai bikharne dungi, tuje udaas nai dekh pati, vo jo hamesha khush rehne wali ladki, jab mayus ho jati hai na, is duniya ki wajah se, un saare gunehagaaron ko sazaa dene ka mann karta, lekin tujhe pta hai, sazaa dene ka kaam humara nai hai, uske liye bhagwan hai, tu bas apna karm krti reh, baki ka bhagwanji dekhenge.

Jab kabhi bhi khushi aati, tu soch me pad jati, kya sach me khushi ayi hai? Kahi firse to dokha nai ho rha? Mai smjhti hu, lekin hum kya kare, zindagi esi hi hai Manu, mai janti hu, tuje sukun chaiye, and tu ab chup hona chahti hai, kyuki tujhe lagta hai, ki kahi na kahi tere chup ho jane se shayad kafi problem less ho jayegi, magar meri jaan, esa hamesha nai hota, kai bar khudke liye aawaz uthani padti hai, isliye tu plz chup mat hona betu. I know tujhe galat chizo se nafrat hai, bardaasht nai kar pati, and tera outburst ho jata, jisse kai bar tu buri bann jati, magar tu esi hi hai, and yakin maan ” tu jesi hai, vesa koi aur nai ho sakta, tu khud hi Manu ek dum best potray kar sakti, koi aur nai!! Isliye chahe kuch bhi ho, tujhe kabhi na badalne ki guzarish karti rehti hu, and jab jab tu isolation phase me jaati, tuje wapis khichne ka saara vo possible try karti rehti hu”.

Tujhse hamesha mai yehi kehna chahungi Manu ki, “Manu loves you Manu, at your Best and Worst!!”

Tujhe hamesha pyaar karti and karti rehne wali,

Teri “Manu”.